free website hit counter

घरेलु मदिरा सम्बन्धमा सर्वोच्चको कडा आदेश

beemaadmin
२०७६ माघ ७, मंगलवार

काठमाडौं । सर्वोच्च अदालतले घरेलु प्रयोजनका लागि मदिरा उत्पादन गर्नका लागि न्यूनतम मापदण्ड तोक्ने आदेश जारी गर्दै अहिले खुला भइरहेको मदिरा बनाउने तथा बिक्री वितरण गर्ने कार्यलाई रोक्न आदेश जारी गरेको छ । अदालतको आदेशअनुसार एकपटकमा ५ लिटर रक्सी, १० लिटर जाँड बनाउन अनुमति लिनु पर्दैन भने वर्षको ६ पटकभन्दा बढी बनाउन पाइने छैन । मदिरा बनाएको सूचना अन्तःशुल्क अधिकारीलाई दिनुपर्ने कडा मापदण्ड सार्वजनिक गरेको छ । सर्वोच्च अदालतका न्यायाधीश हरिकृष्ण कार्की र डम्बरबहादुर शाहीको सोमबार बसेको संयुक्त इजलासले यस्तो आदेश दिएको हो । जनस्वास्थ्यमा पर्न सक्ने प्रतिकूल असरलाई ध्यानमा राखी अनुगमन, नियमन र नियन्त्रणका लागि मौजुदा कानुनमा कडाइ गर्न समेत आदेशमा भनिएको छ । अदालतले घरेलु मदिराजन्य पदार्थको विकृति रोक्न सरकारका निकायलाई आदेश दिएको हो। जाँडरक्सीको मनपरी उत्पादन र बिक्रीवितरणमा नियन्त्रण र अनुगमनमा कडाइ गर्न निर्देशनात्मक आदेश भएको हो।
व्यापारिक प्रयोजनका लागि अखाद्य वस्तु मिसाएर घरेलु जाँड, रक्सी, छ्याङ, तोङ्बा, निगारजस्ता मदिराजन्य पदार्थ छ्यापछ्याप्ती बिक्रीवितरण र सेवन भइरहेको भन्दै अधिवक्ता जगन्नथा मिश्र, सुमिता डंगोल, शारदा गुरुङ र नवीन कार्कीले गत वैशाखमा रिट दिएका थिए। उपभोक्ता अधिकारवादी रहेका उनीहरूले कानुन न्याय तथा सामाजिक कल्याण मञ्चका तर्फबाट रिट दायर गरेका थिए।

सम्बन्धित समाचार

फेरि राख्यो सुनले ऐतिहासिक रेकर्ड

beemaadmin
२०८० चैत्र १६, शुक्रबार

बीमा व्यवसायमा अभिकर्ताको सान्दर्भिकता

beemaadmin
२०८० चैत्र १६, शुक्रबार

पाँचजना पूर्वसीईओहरु सम्मानित

beemaadmin
२०८० चैत्र १६, शुक्रबार