काठमाडौं । आर्थिक वर्ष २०७७।०७८ को बजेटमै व्यवस्था भएबमोजिम सरकारले घुम्ती बीमा अभियान चलाउन थालिसकेको छ ।
विषम परिस्थितिका बाबजुद सरकारले घुम्ती बीमामार्फत कृषि र लघु बीमामा जनताको पहुँच विस्तार गरिने घोषणा पनि गरेको छ । यसै वर्षदेखि बाली बीमाको बीमा शुल्क बाली पाकेपछि आम्दानी गरेर भुक्तानी गर्ने व्यवस्था गरेको छ भने किसानलाई बाली बीमामा थप सहज बनाउने घोषणा भने पहिल्यै गरिसकेको थियो ।
बीमा समितिले पहिलो वर्षदेखि नै घुम्ती बीमा सञ्चालन गर्दै आएको थियो । सोही अनुरुप जनकपुरमा घुम्ती बीमा सेवा यस वर्ष भने सुरु गरिसकेको छ । बीमा कम्पनीहरुले पनि घुम्ती बीमा सेवा सञ्चालन गर्दै आएको बताइएको छ ।
