काठमाडौं । चलचित्र विकास बोर्डका अध्यक्ष केशव भट्टराइको आइतबार राति १० बजेर २० मिनेटमा निधन भएको छ ।स्वास्थ्यमा एक्कासि समस्या देखिएपछि भट्टराईलाई उपचारका लागि ओम अस्पतालतर्फ लगिँदै गर्दा उनको निधन भएको बताइएको छ । निर्माता तथा कलाकारसमेत रहेका भट्टराइले पछिल्लो पटक चलचित्र ‘यात्रा’ निर्माण गरेका थिए । उनले निर्माण गरेका थुप्रै चलचित्रले बक्स अफिसमा राम्रो व्यापारसमेत गरेका थिए । भट्टराईलाई करिब एक वर्ष अगाडि नेपाल सरकारले चलचित्र विकास बोर्डको अध्यक्ष पदमा नियुक्त गरेको थियो ।