काठमाडौं । बैंकिङ्ग कसूर मुद्दाका फरार प्रतिवादी गणेशमान श्रेष्ठ पक्राउ परेका छन् । ललितपुर लामाटारका ४९ वर्षीय श्रेष्ठ ४ महिनापछि लुकिछिपी रहेको अवस्थामा पक्राउ परेका हुन् । उच्च अदालत पाटनको २०७७ फागुन ४ गतेको फैसलाले उक्त मुद्दामा पन्ध्र दिन कैद र ५५ लाख रूपैयाँ जरिवाना ठहर भएकोमा उक्त सजाय बेरुजू रही महत फरार हुँदै आएका थिए । श्रेष्ठले आफ्नो खातामा पर्याप्त मौज्दात रकम नभएको भन्ने जानी जानी झुक्यानमा पारी चेक काटी पीडित सहारा राणालाई दिएकोमा बैंकिङ्ग कसूरजन्य अपराध गरेको ठहर भएको थियो ।