कामठाडौं । चालु आर्थिक वर्षको तेस्रो त्रैमाससम्ममा जनरल इन्स्योरेन्स कम्पनीले ३ करोड ७ लाख रुपैयाँ खुद नाफा कमाएको छ । यो गत आर्थिक वर्षको यहि अवधिको तुलनामा ७८ लाख रुपैयाँले बढी हो । गत आर्थिक वर्षको तेस्रो त्रैमाससम्ममा इन्स्योरेन्सले २ करोड ३१ लाख रुपैयाँ खुद नाफा कमाएको थियो ।
इन्स्योरेन्सले चालु आर्थिक वर्षको तेस्रो त्रैमाससम्ममा १९ करोड ५० लाख रुपैयाँ खुद बीमाशुल्क आर्जन गरेको छ । गत वर्षको सोही अवधिमा इन्स्योरेन्सले ९ करोड ७४ लाख रुपैयाँ मात्रै खुद बीमाशुल्क आर्जन गरेको थियो । यस अवधिमा कम्पनीले पुनर्बीमा कमिशनबाट ५ करोड ८७ लाख रुपैयाँ र लगानी कर्जा तथा अन्य आयबाट एक करोड ९८ लाख रुपैयाँ आम्दानी गरेको छ ।
चुक्ता पुँजी ७० करोड रुपैयाँ रहेको कम्पनीको जगेडा कोषमा ३ करोड ७६ लाख, बीमा कोषमा ४ करोड ११ लाख र महाविपत्ती जगेडा कोषमा ४२ लाख रुपैयाँ सञ्चित छ । यस अवधिसम्ममा इन्स्योरेन्सले कुल ४० हजार ६५७ बीमालेख जारी गरी ४१ करोड ६१ लाख रुपैयाँ कुल बीमाशुल्क आर्जन गरेको छ । यस अवधिमा कम्पनीको २ हजार ४५८ वटा बीमालेख नविकरण भएका छन् ।
कम्पनीले कुल ५८३ दाबी बापत ८ करोड ९३ लाख रुपैयाँ भुक्तानी गरेको छ भने ७४५ दाबी बापतको ११ करोड ८१ लाख रुपैयाँ भुक्तानी हुन बाँकी छ । यस्तै, कम्पनीको प्रतिशेयर आम्दानी ५ रुपैयाँ ८५ पैसा, प्रतिशेयर नेटवर्थ १११ रुपैयाँ ८४ पैसा रहेको छ ।