एजेन्सी । मान्छेका सोख देख्दा र सुन्दा अचम्म लाग्छ । अमेरिकाकी रियालिटी टिभी स्टार स्टेफनी मेटो निकै अनौठो कारणले चर्चामा छिन् । उनी चर्चामा आउनुको कारण हो पाद । स्टेफनीले अनलाइनमार्फत पाद बेच्छिन् । यसरी उनले धेरै पैसा कमाइरहेकी छिन् । उनले स्वयं यसबारे आफ्नो भिडियोमा खुलासा गरेकी छिन् । स्टेफनी अमेरिकी रियालिटी शो ९० डे फियान्सेबाट चर्चामा आएकी थिइन् । तर, जति चचौ उनले टिभी शोबाट बटुलेकी थिइन् त्योभन्दा धेरै चर्चा अहिले पाइरहेकी छिन् । खासमा स्टेफनीले केही समययता अनलाइनमार्फत पाद बेचिरहेकी छिन् । हामीलाई यो सुन्दा अचम्म लाग्न सक्छ तर उनले भने यो कामबाट मोटो रकम कमाइरहेकी छिन् ।
मेट्रोका अनुसार आफ्नो इन्स्टाग्राममा भिडियो अपलोड गरेर उनले पाद बेच्ने पूरा प्रक्रियाबारे बताएकी छिन् । स्टेफनीका अनुसार उनले आफ्नो पादलाई एउटा जारमा भरेर त्यसमा गुलाबका केही पत्रहरु मिलाएर त्यसलाई पर्सनल नोटको साथमा बेचिन् र केवल एक हप्तामा ३८ हजार पाउण्ड (६१ लाख रुपैयाँ) कमाइन् । स्टेफनीका अनुसार उनी आफ्नो खानपिनमा निकै ध्यान दिन्छिन् ताकि राम्रो ग्यास बनोस् । गेडागुडी, प्रोटिन, अण्डा, दही आदिको सेवन गर्छिन् । जब उनलाई पाद आउँछ त्यसलाई काँचको जारमा भर्छिन् । यो जारमा फूलका पत्ताहरु पहिलेदेखि नै हुन्छन् । यस्तोमा पादको दुर्घन्ध फूलको सुगन्धमा बदलिन्छ । पछि यो जार उनले बेच्छिन् ।