टोकियो । चिनबाट शुरु भएको कोरोना भाइरस अहिले विश्वभर फैलिइसकेको छ । जापानमा १६ जना भारतीयलाई कोरोना भाईरसको संक्रमण देखिएको छ । जापानस्थित भारतीय दूतावासले घटनाको पुष्टि गर्दै संक्रमित सबै व्यक्ति योकोहामा पोर्टको क्रुज सिपमा रहेकाहरु भएको जनाएको छ । प्राप्त जानकारी अनुसार उक्त डाईमण्ड प्रिन्सेस पानी जहाँजमा करिव १ सय भारतीय रहेका थिए । अधिकाशं पानी जहाँजका कर्मचारी रहेकामा १६ जनामात्र संक्रमित पाईएको दुतावासले जनाएको छ ।
३७ सय ११ जना यात्रु रहेको उक्त पानी जहाँजका १६ भारतीय सहित ७ सय १० जनामा कोरोना संक्रमण पाईएको छ । संक्रमित मध्ये हालसम्म ४ जनाले ज्यान गुमाईसकेका छन् भने १६ जनाको गम्भिर अवस्थामा उपचार भईरहेको जापानी अधिकारीहरुले बताएका छन् । जापानस्थित भारतीय दूतावासले संक्रमित व्यक्ति सहित वा संक्रमित बाहेकलाई भनि नखुलाएपनि प्राप्त जानकारी अनुसार करिव १ सय भारतीयलाई फेब्रुवरी २६ राती चार्टर बिमान मार्फत भारत लगिंदैछ ।
भारत लगिन लागेका सबै डाईमण्ड प्रिन्सेस पानी जहाँजमा रहेकाहरु हुन् । उनिहरुलाई भारत लगेरपनि दुई साता क्वारेन्टाईनमा राखिने बताईएको छ ।