सावधिक जीवन बीमा योजनाअन्तर्गत उत्कृष्ट रुपमा ज्योति लाइफ इन्स्योरेन्स कम्पनीले बजारमा ल्याएको यो नयाँ बीमा लेख हो । यस बीमा योजनामा एघार वर्षको व्यक्तिदेखि नै समावेश हुन सक्दछन् भने यस बीमाको अधिकतम समाप्ति उमेर ७० वर्ष निर्धारण गरिएको छ वा बीमालेख परिपक्व हुँदा बीमा गरिएको व्यक्ति बढिमा ७० वर्ष नजिक भएको हुनुपर्दछ । यस बीमालेख खरिद गर्ने बीमितले बीमा शुल्क वार्षिक, अर्धवार्षिक वा त्रैमासिक रुपमा बुझाउन मिल्दछ । यस बीमा लेखलाई छोटकरीमा (3-20) भनेर नामाकरण गरिएको छ ।

के हो थ्री ट्वान्टी ?
यो भनेको विमकले बीमितलाई दिइने भुक्तानीको प्रक्रिया हो । प्राय सावधिक जीवन बीमामा बीमाको अवधि सकिएपछि मात्रै बीमाङ्क रकम र मुनाफा दिइन्छ भने यस योजनामा अवधि सकिनु पहिला नै केही रकम फिर्ता गर्दछन् र आफ्नो आर्थिक गतिविधिलाई सहयोग पुग्दछ । उदाहरणका लागि २५ वर्ष उमेरको व्यक्तिले १० लाखको जीवन बीमा १५ वर्ष अवधिको गरेमा घातक रोगको सुविधा  (CI) लिएमा (ADB, PTD, PWB) सहित बीमाशुल्क रु ११८०४०।– प्रति वर्ष हुन आउँदछ ।

यसबीमाअन्तर्गत ३–२० भनेको बीमा योजना वा करार अवधि भित्र बीमितलाई अग्रिम भुक्तानी स्वरुप तीन पटकसम्म दिइने भुक्तानी हो र यो प्राय बीमकले ल्याएको सुविधा भन्दा फरक छ । किनकि यसले असाध्य रोगलाई पनि जोखिम बहन गर्ने हुँनाले यदि सुविधा लिएमा÷दिएमा समय सापेक्ष देखिन्छ । ३ (थ्री) भनेको बीमा अवधिभित्र तीनपटक भुक्तानी दिनु र २० (ट्वान्टी) भनेको बीमा अवधिपछि २० वर्षसम्म बीमाङ्कको ५ प्रतिशत रकम प्रतिवर्ष प्रदान गरिरहनु हो ।

यस बीमा योजनाका विशेषताहरु
– बीम अवधि सकिनु पहिल्यै केही भुक्तानी पाउनु ।
– भुक्तानी लिइसकेको र बीमालेख नियमित भएको स्थितिमा बीमितको मृत्यु भए बीमितले पाएको रकम कट्टि नगरी इच्छाइएको व्यक्तिलाई बीमाङ्क रकम र आर्जिन मुनाफा फेरि भुक्तान गर्नु ।
– समर्पण मूल्य दिइनु वा बीमा शुल्क बुझाएको २ वर्ष पूरा भएपछि आफूलाई आर्थिक समस्या परेमा बीमालेख धितो राखेर ऋण लिन पाउनु ।
– बीमालेखको अवधि सकिए पनि २० वर्षसम्म बीमा रकमको ५ प्रतिशत बीमितलाई भुक्तानी दिइरहनु ।
– १५ वर्षे बीमालेखमा बीमाङ्कको ५ वर्षमा ३३ प्रतिशत, १० वर्षमा ३३ प्रतिशत र १५ वर्ष वा अवधि समाप्तिपछि ३४ प्रतिशत र आर्जित मुनाफासहित बीमितलाई भुक्तान गरिनु ।
– दुर्घटनाबाट पूर्ण अशक्तता भएमा बीमाङ रकमलाई १ सय २० महिना भाग गरेर प्रतिमहिनाका दरले १० वर्षसम्म भुक्तानी गर्नु वा मासिक आय (MI)  को सुविधा दिनु । साथै बाँकी अवधिको बीमा शुल्क तिर्न नपर्नु ।
– १८ वा ३५ घातक रोगको उपचार खर्च बढीमा ५० लाखसम्म उपलब्ध गराउनु (यदि बीमा लेखमा उक्त सुविधा समावेश भएमा)
– बीमितको दुर्घटनाबाट मृत्यु भएमा बीमाङ्क रकमको दोब्बर रकम र आर्जित मुनाफासहित आश्रित वा इच्छाइएको व्यक्तिलाई भुक्तान गरिन्छ । (ठूलो बीमाङ्क रकम बराबरको दुर्घटना मृत्युलाभ नहुन सक्दछ र यस रकम बीमकले समय समयमा फेरबदल गर्न सक्दछ ।

यहाँ उल्लेखित प्राविधिक शब्दार्थ
बीमक : बीमा कम्पनी
बीमित : बीमा लेख खरिद गर्ने व्यक्ति ।
बीमालेख : बीमा गरेको व्यक्तिले पाएको बीमाको प्रमाणपत्र ।
दुर्घटन लाभ (ADB) : बीमालेखमा समावेश गरिएको थप सुविधा वा पूरक बीमालेख ।
घातक रोग (Critical Illness) : खतरनाक रोग जसको उपचारखर्च बढी हुन्छ र पूर्णतया सामान्य स्वास्थ्य स्थितिमा फर्किन गाह्रो हुन्छ वा समय लाग्दछ ।
३–२० : बीमा अवधिभर बीमाङ्क रकमको हिस्सा ३ पटकमा भुक्तान गर्ने र बीमालेखको अवधि पूरा भएको अवस्थामा थप मुनाफासहित बीमितलाई प्रदान गर्ने योजना हो ।
CI : Critical Illness वा घातक रोगको उपचार खर्च बीमकले बीमितलाई दिइने रुपियाँ हो ।