काठमाडौं । नेपालकै पहिलो बीमा कम्पनी नेपाल इन्स्योरेन्स कम्पनीको डेपुटी सिईओ ईश्वर पोखरेलले कार्यभार सम्हालेका छन् । खुल्ला प्रतिस्पर्धाबाट नेपाल इन्स्योरेन्सको डेपुटी सिइओको कार्यभार सम्हाल्न पुगेका पोखरेलले यसअघि स्टाण्डर्ड चार्टर्ड बैंक, युनाईटेड फाइनान्समा उच्च पदमा रहेर काम गरिसकेका छन् । पोखरेलका लागि बीमा क्षेत्रमा यो पहिलो अनुभव हो । सामाजिक सञ्जालमार्फत पोखरेलले जेष्ठ र श्रेष्ठ कम्पनीमा अबको यात्रा अघि बढेको उल्लेख गरेका छन् ।