काठमाडौं । नेपालमा चौथो व्यक्तिमा पनि कोरोना भाइरस संक्रमणको पुष्टि भएको छ । उनी प्रादेशिक अस्पताल धनगढीमा उपचाररत रहेको स्वास्थ्य मन्त्रालयका प्रवक्ता विकास देवकोटाले जानकारी दिएका छन् । प्रवक्ता देवकोटाले संक्रमित अरु पनि हुन सक्ने भन्दै विदेशबाट आएका सबैलाई होम क्वारेन्टाइनमा बस्न आग्रह गरेका छन् । दुबईबाट आएका उनी चैत ११ गते अस्पताल भर्ना भएका थिए ।
धनगढीका ३४ वर्षीय पुरुषमा कोरोना भाइरसको संक्रमण भेटिएको स्वास्थ्य मन्त्रालयले जानकारी दिएको हो। संक्रमित व्यक्ति दुबईबाट फर्किएको स्वास्थ्य मन्त्रालयका प्रवक्ता विकास देवकोटाले जानकारी दिए। संक्रमित ती व्यक्ति चैत ११ गतेदेखि सेती अस्पतालमा भर्ना भएका थिए ।
