एजेन्सी । बिन्दास युवाहरुको आकर्षक गन्तव्य मानिन्छ नाइट क्लब । त्यही नाइट क्लबमा जाँदा पनि माक्स लगाउनु पर्ने भएपछि एक युवाले उपद्रो मच्चाएका छन् ।
मास्क लगाउन नमानेर निकै घातक कदम उठाएको एक घटना अमेरिकामा भएको छ । अमेरिकाको क्यालिफोर्नियामा मास्क नलगाइ एक नाइट क्लवमा छिरेका ३ जनालाई मास्क नलगाएकै कारण क्लवबाट बाहिर निकालियो ।

यो कुराले ती ३ जना यति रिसाए कि उनीहरुले एके–४७ बन्दूक ल्याए र क्लवमा गोली चलाउन थाले । एनबीसी न्यूजका अनुसार उनीहरुको आक्रमणबाट ३ जना घाइते भएका छन् । हेलोविनको रातमा भएको यो घटनापछि पुलिसले तीनै जनालाई पक्राउ गरेको छ ।

३४ वर्षका एजर अयाला, २२ वर्षका डेनियल ओकाम्पो र २० वर्षका जुआन जोसेलाई क्यालिफोर्नियाको सहारा थिएटरबाट मास्क नलगाएका कारण निकालिएको थियो । त्यसपछि उनीहरुले बन्दूक ल्याएर गोली चलाउन थालेका थिए । रिपोर्टका अनुसार एजरले एके–४७ बाट १५ राउण्ड फायर गरेका थिए ।