काठमाडौं । किसानले धान थन्क्याएसँगै नागढुङ्गा–नौबिसे सुरुङमार्गको काम थालिने भएको छ । जापान सरकारको ०.०१ प्रतिशत सहुलियत ऋणमा सुरुङमार्ग निर्माण हुन लागेको हो । पट्यारलाग्दो जामलाई हटाउने विश्वास गरिएको नागढुङ्गा–नौबिसे सुरुङमार्गको शिल्यान्यास आगामी साता प्रधानमन्त्री केपी शर्मा ओलीबाट ल्यान्यास हुने भएको हो ।
सो सुरुङमार्ग निर्माणका लागि असोज ६ गते नै जापानको हाजमा आङ्दो कर्पोरेशनसँग ठेक्का सम्झौता भइसकेको छ । ४२ महिमा सो सुरुङमार्गको निर्माण सम्पन्न गर्ने गरी सम्झौता भएको हो।
मुआब्जा रकम समेत गरेर सो सुरुङमार्गको जम्मा लागत २२ अर्ब हुने बताइएको छ। जम्मा रकममध्ये नेपाल सरकारले ६ अर्ब जग्गाको मुआब्जा वितरणमा खर्च गर्ने भएको छ । अहिलेसम्म चार अर्ब मुआब्जाबापतको रकम बाँडिसकिएको छ ।
सुरुङमार्गलाई जोड्ने तीन किलोमिटर सडक समेत निर्माण हुनेछ। सुरुङमार्ग कै मुखमा र सतुङ्गलमा गरेर दुई स्थानमा फ्लाई ओभरसमेत निर्माण हुने सम्झौता भएको छ ।