काठमाडौं । निजामती कर्मचारी श्रीमती संघको १७औं वार्षिकोत्सव बिहीबार विभिन्न कार्यक्रमका साथ मनाइँदैछ । संघकी कार्यकारिणी सदस्य श्रीमती अस्मिता झा चौधरीका अनुसार बिहान ७ः३० बजे ललितपुरस्थित बगलामुखी मन्दिर परिसरमा दिप प्रज्वलन गरी वार्षिकोत्सव कार्यक्रमको विधिवत शुरुआत गर्ने कार्यक्रम रहेको छ । त्यसैगरी बेलुकी ४ बजे बालाजुस्थित मानव सेवा आश्रममा आश्रित रहेकाहरुलाई सन्ध्याकालिन भोजनको आयोजना गरिएको बताइएको छ । पुस ५ गते सोमबार बिहान १०ः३० बजे शानदार सोच एवं जीवन शैली विषयमा एक दिवसीय गोष्ठीको आयोजना गरिएको छ । चौधरीका अनुसार, उक्त कार्यक्रम शहरी विकास तथा भवन निर्माण विभागमा आयोजना गरिएको र उक्त कार्यक्रममा सरोकारवालाहरुलाई आमन्त्रण गरिएको छ । २०६१ साल पुस १ गते स्थापना भएको संघको कार्यवाहक अध्यक्षमा श्रीमती राधा ज्ञवाली, महासचिवमा रेखा नेपाल पोखरेल, सचिवमा जानकी निरौला, कोषाध्यक्षमा भूमिका सुवेदी सापकोटा र कार्यसमिति सदस्यहरुमा श्रीमती अस्मिता झा चौधरी, शोभाकुमारी पाण्डे बराल लगायत छन् । संघले प्रत्येक वार्षिकोत्सव विविध कार्यक्रम गरी मनाउँदै आएको छ ।