काठमाडौं । नेपालको पहिलो बीमा कम्पनी नेपाल इन्स्योरेन्सबाट आइएमई समुहले आफ्नो लगानी झिकेको छ । आफ्नै निर्जीवन बीमा कम्पनी सञ्चालन गरीरहेको आइएमई ग्रुपले क्रश होलिल्डङ्ग भएका कारण नेपाल इन्स्योरेन्सबाट आफ्नो लागनी फिर्ता लगेको हो । बीमक दर्ता तथा बीमा व्यवसाय सञ्चालन सम्बन्धी निर्देशिका २०७३ अनुसार एउटा लगानीकर्ता वा एकाघरका सदस्यको नाममा १५ प्रतिशत भन्दा बढी लगानी गर्न नपाइने व्यवस्था छ । उक्त व्यवस्था अनुसार आइएमई ग्रुप नेपाल इन्स्योरेन्सबाट बाहिरीएको हो । आइएमई ग्रुपको स्वामित्वमा रहेको नेपाल इन्स्योरेन्सको १९ लाख ४८ हजार ५३८ कित्ता संस्थापक शेयर आइतबार कारोबार भएको छ । उक्त शेयर एशियन लाइफले प्रतिकित्ता ३०० रुपैयाँका दरले ५८ करोड ४५ लाख ६१ हजार ४०० रुपैयाँका खरिद गरेको हो ।