काठमाडौं । दुर्घटनामा मृत्यु भएका एक व्यक्तिको आश्रित परिवारलाई नेशनल लाईफ इन्स्योरेन्स कम्पनीले १ करोड ३ लाख १५ हजार रुपैयाँ बराबरको मृत्यु दावी भुक्तानी दिएको छ । विर्तामोड झापास्थित होटल ग्राण्ड प्यासिफिकमा एक कार्यक्रम आयोजना गरी स्व. इन्द्रप्रसाद दंगालकी श्रीमती सुस्मिता थपलिया (दंगाललाई) सो मृत्यू दावी भुक्तानी गरेको हो ।
सो कार्यक्रममा विर्तामोड उधोग वाणिज्य संघका अध्यक्ष कुमार भट्टराईले स्व. दंगालकी धर्मपत्नी श्रीमती सुष्मिता दंगाललाई उक्त रकमको चेक हस्तान्तरण गरेका थिए ।
२०७६ साल कार्तिक ४ गते दुर्घट्नामा परेर जीवनमा गुमाएका दंगालले २०७६ साल असार ३१ गते ५० लाख रुपैयाँको दोहोरो दुर्घटना लाभ सहितको १६ वर्षे अमृत वर्षा जीवन बीमालेख खरीद गरेका थिए । कार्यक्रममा उक्त दावी आवश्यक कागजात प्राप्त भएको १५ दिनमा मृत्यु दावी भुक्तानी भएको बताइएको छ ।