चितवन । शाखा सञ्जाल विस्तारको क्रममा रहेको सनराइज बैंकले शहरमा मात्रै होइन बैंकिङ्ग सेवा नपुगेका गाउँ गाउँमा शाखा विस्तार गरिरहेको छ । बैंकले भिन्न स्थानहरुमा बैंकिङ्ग सेवा पुर्याउँदै जाने उद्देश्यका साथ तवनको रत्ननगर नगरपालिका– १४ मा आफ्नो ४०औं शाखारहित बैंकिङ्ग सेवाको सुरुवात गरेको छ ।
रत्ननगर नगरपालिकाका अध्यक्ष हरिकुमार श्रेष्ठ र बैंकको प्रादेशिक कार्यालय ३ का सदस्य अचुतजङ्ग श्रेष्ठले सो शाखाको उद्घाटन गरे । समारोहमा श्रेष्ठले शाखारहित बैंकिङ्ग सेवाको एजेन्ट÷प्रतिनिधि नारायण कुमारलाई पोइन्ट अफ सेल मेसिन हस्तान्तरण गरेका छन् । उक्त पोइन्ट अफ सेल मेसिनको माध्यमबाट बचत तथा भुक्तानीका लागि शाखा कार्यालय नभएको ठाँउबाट समेत शाखारहित बैंकिङ्ग सेवा अन्तर्गत एटिएम कार्ड मार्फत कारोबार गर्न सकिने बैंकले जनाएको छ ।