एजेन्सी । चोर घरभित्र छिरेर मासुमात पकाएर खाएर सरसामान पोको पारेर हिँडेका समाचार त हाम्रै समाजमा घटेका घटना हुन् । तर यहाँ यस्तो अनौठो घटना घटेको छ कि चोरी गर्न जाँदा निन्द्राले सताउँदा चोरलाई परेको आपत । यस्ता घटनाले अन्तर्राष्ट्रिय स्तरमै चर्चा पाउँछन् । यस्तै विचित्र घटना पछिल्लो पटक थाइल्याण्डमा भएको छ । यहाँ एक चोर चोरी गर्नको लागि एउटा घरमा छिरे । तर, घरमा एसी चलिरहेको पाएपछि आनन्दले सुत्नको लागि लोभिए र त्यहीँ सुते ।

यो कोठा घरधनीकी छोरीको थियो । टि न्यूज सुरिनका अनुसार घटना थाइल्याण्डको सेन्ट्रल प्रान्तको हो । यहाँ २२ वर्षका एक युवक रातको २ बजे चोरी गर्ने नियतले घरमा पसे । तर, उनलाई निद्रा लागेपछि उनले घरको एसी अन गरे र त्यहीँ भएको बेडमा सुते । बिहान जब घरमालिक उठे उनी चकित परे । कोठामा एसी चलिरहेको थियो र त्यहाँ बेडमा एक व्यक्ति सुतिरहेका थिए । यो कोठा उनकी छोरीको थियो र त्यस दिन उनकी छोरी घरमा थिइनन् त्यसैले त्यो कोठा खाली थियो । मालिकले झ्यालबाट हेर्दा छोरीको कोठामा अर्कै व्यक्ति सुतिरहेको देखेपछि पुलिसलाई बोलाए । जब ती चोरलाई उठाइयो उनी आँखा मिच्दै उठे र यस्तो अभिनय गरे मानौं उनलाई केही थाहै छैन । रोचक कुरा त के भने जुन घरमा चोर समाथिए त्यो घर पनि पुलिसकर्मीकै थियो ।