काठमाडौं । भीआईपीहरुलाई पनि कोरोनाले खतराको घण्टी बजाउन थालिसकेको छ । सभामुखका सुरक्षाकर्मीबाट शुरु भएको कोरोना संक्रमणको अवस्था नेकपा अध्यक्ष पुष्पकमल दाहालका आधा दर्जन सुरक्षाकर्मीसम्म पुगिसकेको छ । तर शीर्ष नेताहरु भने सुरक्षितनै रहेका छन् । प्रधानमन्त्री केपी शर्मा ओलीसहित अन्य ६ जनाको पीसीआर परीक्षण रिपोर्ट नेगेटिभ आएको छ ।

शुक्रबार बिहान स्वाब लिइ परीक्षण गर्दा प्रधानमन्त्रीसहित ६ जनाको रिर्पोट नेगेटिभ आएको हो । शुक्रबार प्रधानमन्त्रीसहित नेकपा संसदीय दलका उपनेता सुवाष नेम्वाङ, कानुन न्याय तथा संसदीय मामिलामन्त्री शिवमाया तुम्बाहाङ्फे, मुख्य सल्लाहकार विष्णु रिमाल, प्रधानमन्त्रीका विदेश मामिला सल्लाहकार राजन भट्टराई, प्रेस सल्लाहकार सूर्य थापा र प्रमुख स्वकीय सचिव इन्द्रप्रसाद भण्डारीको स्वाब संकलन गरिएको थियो । स्वाब संकलन गरिएका सबैको रिर्पोट नेगेटिभ आएको बताइएको छ ।