काठमाडौं । प्रभु इन्स्योरेन्स लिमिटेडले संस्थापक शेयर बिक्रीमा ल्याएको छ। कम्पनीले विद्यमान संस्थापक शेयरधनीहरूले मात्र खरिद गर्न पाउने गरी शेयर बिक्रीमा ल्याएको हो। इच्छुक विद्यमान संस्थापक शेयरधनीहरूले आगामी ३५ दिन भित्र काठमाडौंको तिनकुनेस्थित कमपनीको केन्द्रीय कार्यालयमा निवेदन दिनु पर्नेछ। कम्पनीले बिक्रीमा राखिएको शेयरको संख्या र सोको मूल्य भने खुलाएको छैन। तोकिएको अवधिभित्र विद्यमान संस्थापक शेयरधनीहरूले निवेदन पेश नगरेमा अन्य व्यक्ति वा संस्थाहरूमा शेयर बिक्री गरिने जानकारी कम्पनीले दिएको छ।