रौतहट । मुलुक संकटमा गुज्रिरहेको बेला सुरक्षा दिन सक्रिय एक सुरक्षाकर्मीलाई गाउँलेले आपत्तिजनक अवस्थामा पक्राउ परेका छन् । रौतहटको बसन्तपुर प्रहरी चौकीका इन्चार्ज प्रहरी सहायक निरीक्षक सञ्जिव झालाई एक महिलासँग आपत्तिजनक अवस्थामा भेटेपछि स्थानीयले नियन्त्रणमा लिएका हुन् । उनलाई जिल्ला प्रहरी कार्यालय, रौतहटमा बुझाइएको छ । असई झा राजदेवी नगरपालिकाको वडा नं. २ मा एक महिलालाई भेट्न राति पुगेका थिए । त्यहीँ सामुदायिक भवन घेरेर स्थानीयले उनलाई नियन्त्रणमा लिएका थिए । जिल्ला प्रहरी कार्यालयको टोली पुगेपछि मात्र उनलाई छाडिएको थियो । जनताको सुरक्षाका लागि खटिने प्रहरी नै मध्यरातमा आपत्तिजनक अवस्थामा पक्राउ परेपछि अनुसन्धान थालिएको जिल्ला प्रहरी कार्यालयले जनाएको छ ।