काठमाडौं । हाल विश्वव्यापी रुपमा फैलिइरहेको कोभिड–१९ रोगको संक्रमणबाट आर्थिक सुरक्षा प्रदान गर्ने उदेश्यले शुरु भएको कोडिभ १९ बीमालेखको बिक्री उत्साहजनक देखिएको छ । प्राइम लाइफ इन्स्योरेन्स कम्पनी लिमिटेडले आफ्ना सबै कर्मचारीको कोभिड १९ बीमा गरेको छ । प्राइम लाइफ इन्स्योरेन्सले कम्पनीमा कार्यरत सम्पूर्ण कर्मचारीहरुको प्रति व्यक्ति एक लाख बराबर बिमाङ्कको लागि हालै बिमा समितिबाट सञ्चालनमा आएको कोभिड–१९ रोगको संक्रमण सम्बन्धि बिमा गर्ने निर्णय गरेकोे कम्पनीले जनाएको छ ।