काठमाडौं । हिमालयन बैंक लिमिटेडले थप सार्वजनिक निष्कासन (एफपीओ) निष्कासन गने प्रस्ताव राखेर साधारणसभा बोलाएको छ । सभा, नेपाल आर्मी अफिसर्स क्लब, भद्रकाली, काठमाडौंमा बिहान १० बजेदेखि बस्नेछ । यद्यपि बैंकले यसपटक लाभांशसम्बन्धी कुनै पनि प्रस्ताव समावेश गरेको छैन । सभाले गत आवको वार्षिक प्रतिवेदन सहितका वित्तीय विवरणहरू पारित गर्नुका साथै चालू आवकालागि लेखापरीक्षकको नियुक्ति तथा निजको पारिश्रमिक निर्धारण, स्वतन्त्र सञ्चालकको नियुक्ति र खर्च अनुमोदन गर्नेछ । त्यस्तै, प्रिमियम मूल्यमा ९२ लाख ५० हजार ४६९ कित्ता एफपीओ जारी गर्ने र एफपीओ निष्कासनपछि जारी तथा चुक्ता पुँजी बढ्ने भएकाले सोहीबमोजिम प्रबन्धपत्र र नियमावलीमा आवश्यक संशोधन गर्न सञ्चालक समितिलाई अख्तियारी दिने प्रस्ताव पनि सभामा पेश हुनेछ । सभा प्रयोजनार्थ बैंकले पुस १८ गते एक दिन बुक क्लोज गर्ने जनाएको छ । त्यसैले पुस १७ गतेसम्म कायम शेयरधनी सभामा सहभागी बन्न सक्नेछन् ।