काठमाडौं । विषम परिस्थितिका बाबजुद प्रुडेन्सियल इन्स्योरेन्सको खुद बीमा शुल्क घटेसँगै नाफा पनि घट्न पुगेको छ । चालू आर्थिक वर्षको तेस्रो त्रैमाससम्ममा इन्स्योरेन्सको खुद बीमाशुल्क १४.९८ प्रतिशतले घट्दा नाफा समेत प्रभावित भएको हो । चालु आर्थिक वर्षको तेस्रो त्रैमाससम्ममा ५ करोड ३२ लाख रुपैयाँले घटेर ३० करोड २४ लाख रुपैयाँमा सिमित भएको छ । गत आर्थिक वर्षको तेस्रो त्रैमाससम्ममा ३५ करोड ५७ लाख रुपैयाँ खुद बीमाशुल्क आर्जन गरेको थियो । इन्स्योरेन्सको बीमाशुल्क घटेपछि नाफा पनि ९ करोड ६ लाख रुपैयाँमा सिमित भएको छ । यो गत आर्थिक वर्षको यहि अवधीको तुलनामा ३ करोड ६६ लाख रुपैयाँले कम हो । गत आर्थिक वर्षको यसै अवधीमा इन्स्योरेन्सले १२ करोड ७२ लाख रुपैयाँ खुद नाफा आर्जन गरेको थियो । चैत मसान्तसम्ममा इन्स्योरेन्सले पुनर्बीमा कमिशनबाट ९ करोड ५५ लाख, लगानी कर्जा तथा अन्य आयबाट ३ करोड ६२ लाख रुपैयाँ आम्दानी गरेको छ ।
चुक्ता पूँजी ६४ करोड १५ लाख रुपैयाँ रहेको इन्स्योरेन्सको जगेडा कोषमा २२ करोड ९० लाख रुपैयाँ, बीमा कोषमा ५१ करोड २७ लाख रुपैयाँ र महाविपत्ती कोषमा ४ करोड ६३ लाख रुपैयाँ सञ्चित छ । इन्स्योरेन्सले यस अवधिसम्ममा ८९ हजार ५४ वटा बीमालेख जारी गरी ८२ करोड ५५ लाख रुपैयाँ कुल बीमाशुल्क आर्जन गरेको छ । यस अवधिमा कम्पनीले ३ हजार ८१८ दाबी बापत ६० करोड ६४ लाख रुपैयाँ भुक्तानी गरेको छ भने २ हजार ७२२ दाबी बापत ४२ करोड ३ लाख रुपैयाँ भुक्तानी गर्न बाँकी छ । कम्पनीको वार्षिक प्रतिशेयर आम्दानी १८ रुपैयाँ ८३ पैसा, प्रतिशेयर नेटवर्थ २२२ रुपैयाँ ८७ पैसा र मूल्य आम्दानी अनुपात २१.४५ गुणा छ ।