काठमाडौं । विश्व प्रेसकाउन्सिका वरिष्ठ उपाध्यक्ष तथा प्रेस काउन्सिल नेपालका कार्यवाहक अध्यक्ष किशोर श्रेष्ठले जिम्मेवारी खोस्दै नवनियुक्त सदस्य दुर्गा भण्डारीलाई कार्यवाहक अध्यक्षको जिम्मेवारी दिइएको छ ।
सोमबार साँझ प्रधानमन्त्रीको सरकारी निवास बालुवाटारमा बसेको मन्त्रिपरिषदको बैठकले यस्तो निर्णय गरेको हो । भण्डारीलाई केही दिनअघि मात्रै सरकारले काउन्सिलको सदस्यमा नियुक्त गरेको थियो । श्रेष्ठको काउन्सिलको सदस्य पद भने यथावत नै रहेको छ ।
प्रेस काउन्सिल ऐन, २०४८ को ६ (१) कअनुसार नेपाल सरकारले गठन गर्ने काउन्सिलमा ‘सर्वोच्च अदालतको अवकाश प्राप्त न्यायाधीश वा वरिष्ठ अधिवक्ता वा पत्रपत्रिकाको क्षेत्रमा विशिष्ट योगदान पुर्याएका व्यक्तिहरूमध्येबाट नेपाल सरकारबाट मनोनीत व्यक्ति अध्यक्ष हुने’ व्यवस्था छ ।
