एजेन्सी । मान्छेको दिमाग हो कतिबेला के गर्छ भन्न सकिँदैन । दुबइ पुलिसले बाल्कोनीमा नग्न भएर पोज दिने केही महिलाहरुलाई पक्राउ गरेको छ । पुलिसले यी महिलाहरुलाई सार्वजनिक रुपमा अनैतिक आचरण गरेको अभियोगमा पक्राउ गरिएको जनाएको छ । यी महिलाहरुको तस्वीर र भिडियो सामाजिक संजालमा भाइरल भइरहेको थियो ।

फोटो र भिडियो भाइरल भएपछि पुलिसले उनीहरुलाई पक्राउ गरेको हो । फोटोमा दर्जनभन्दा बढी महिलाहरुलाई एक सुटको लागि पोज दिइरहेको देखिन्छ । दुबइको एक पश क्षेत्रको बाल्कोनीमा उभिएका यी महिलाहरुको तस्वीर एक व्यवसायिक फोटोग्राफरले खिचिरहेका थिए । तर, अर्को बाल्कोनीमा भएका अर्का एक व्यक्तिले समेत यी महिलाहरुको फोटो खिचेर भाइरल गरिदिए ।

द नेशनलको एक रिपोर्टमा यो पब्लिसिटी स्टन्ट हुन सक्ने बताइएको छ । रिपोर्टअनुसार यी महिलाहरुलाई ६ महिनासम्म जेल सजाय सुनाइन सक्छ । साथमा उनीहरुलाई ५ हजार दिराम (१ लाख ६० हजार रुपैयाँ) जरिवाना समेत हुन सक्ने बताइएको छ ।