काठमाडौं । बीमा व्यवसायको नियामक निकाय बीमा समितिमा अर्को कर्मचारी संगठनको जन्म भएको छ । जिल्ला प्रशासन कार्यालय, ललितपुरले बीमा समिति कर्मचारी संगठनको नाममा दोस्रो कर्मचारी संगठन दर्ता गरिएको छ। लकडाउन अघि नै निवेदन दिइएकोमा यही असार ४ गते औपचारिक रुपमा प्रमाणपत्र दिएको हो । समितिमा बीमा समिति कर्मचारी युनियन यसअघि क्रियाशील छ । थोरै कर्मचारी भएको संगठनमा अर्को संगठन जन्मिएको हो । बीमा समिति कर्मचारी युनियन कै निवर्तमान अध्यक्ष प्रकाश सोडारीको संयोजकत्वमा नयाँ संगठन दर्ता गरिएको हो । सोडारीले प्रगतिशील तरिकाले कर्मचारीहरुको हक हितको रक्षाको लागि नयाँ संघ दर्ता गर्न कर्मचारीहरुकै दवावका कारण नयाँ संस्था दर्ता गरिएको बताए । नयाँ गठन भएको संगठनमा बहुमतभन्दा बढि अर्थात २८ जना सदस्य सदस्य रहेको संगठनले जनाएको छ ।
नयाँ दर्ता भई अस्तित्वमा आएको संगठनको सदस्य सचिव दीपक ज्ञवाली छन् । त्यस्तै, कार्यसमितिका सदस्यहरुमा शेखर प्रसाद शर्मा, टेकराज पाण्डे, केदारनाथ भट्ट, सुनिता कुमारी थापा मगर, अन्जना शर्मा, पिताम्वर पराजुली, सुनिता कार्की रहेका छन् ।