बुटवल । बुधबारदेखि शुरु हुने औद्योगिक व्यापार मेलाको उद्घाटन उपप्रधान एवं रक्षामन्त्री ईश्वर पोखरेलबाट हुने भएको छ । प्रमुुख अतिथिमा उपप्रधानमन्त्री पोखरेललाई निम्त्याइएको र विशिष्ट अतिथिको रुपमा पूर्व रक्षामन्त्री एवं नेपाली काँग्रेसका प्रमुख सचेतक बालकृष्ण खाँण, प्रदेश ५ का उद्योग, पर्यटन तथा वन मन्त्री लिला गिरी, बुटवल महानगरपालिकाका मेयर शिवराज सुवेदीलगायतको उपस्थिति रहने मेला प्रचारप्रसार समितिका संयोजक मुक्ति अधिकारीले जानकारी दिनुभयो । उहाँका अनुसार समुद्घाटन कार्यक्रम बिहान ११ः०० बजेका लागि तोकिएको छ ।
‘लगानी लुम्बिनीमा सम्बृद्धि देशमा’ भन्ने नारा सहित बुटवल उद्योग बाणिज्य संघको आयोजनामा हुन लागेको मेलाको सबै तयारी सकिएको अधिकारीले बताउनुभयो । पुस ९ गतेदेखि २३ गते सम्म बुटवल उपमहानगरपालिका ११ स्थित देवीनगरमा लाग्ने मेलाले स्वदेशी उत्पादन प्रति उपभोक्तालाइ जागरुक बनाँउदै औधोगिक चेतना बृद्धि गर्ने र स्थानीय उत्पादको बजार प्रवद्र्धनका लागि भूमिका खेल्ने उद्योग बाणिज्य संघका अध्यक्ष खिमबहादुर हमलाले बताउनुभयो ।
भ्रमण बर्षको पुव सन्ध्यामा हुन लागेको मेलाले भ्रमण बर्षबारे व्यापक प्रचार प्रसार गर्ने समेत अपेक्षा राखिएको छ ।