काठमाडौं । कोरोना भाइरसको आतंकबीच शुरु भएको कोभिड १९ बीमा लेख धमाधम बिक्री भइरहेको छ । कोरोना भाइरसको उपचार पत्ता नलागे पनि बीमा कम्पनीहरुले भने जोखिम बहन गर्ने हिम्मत गरेपछि यो बीमालेख बिक्री शुरु भएको हो । अजोड इन्स्योरेन्सले भटभटेनी सुपरमार्केट एण्ड डिपार्टमेन्ट स्टोरका कर्मचारीहरुको कोरोना भाइरस (कोभिड १९) बीमालेख जारी गरेको छ । भाटभटेनी सुपरमार्केट एण्ड डिपार्टमेन्ट स्टोर्सले आफ्ना १२५७ जना कर्मचारीहरुका लागि एक लाख बिमाङ्कको बीमालेख खरिद गरेको हो । सो बीमालेखले कोरोना भाइरसको संक्रमण भएको भनि पीसीआर पोजिटिभ पुष्टि हुनासाथ बीमाङ्क रकम बराबरको एक लाख बिमित वा निजको नजिकको हकदारलाई एकमुष्ट रकम भुक्तानी गरिनेछ । उक्त बीमालेखवापत भटभटेनी सुपरमार्केट एण्ड डिपार्टमेन्ट स्टोरले अजोड इन्स्योरेन्सलाई प्रतिव्यक्ति ६ सयका दरले ७ लाख ५४ हजार २ सय बीमा शुल्क भुक्तानी गरेको छ । साथै अजोड इन्स्योरेन्सले महुली लघुवित्त वित्तिय संस्था लि। का २१२ जना कर्मचारीहरुको पनि प्रतिव्यक्ति एक लाख बिमाड्ढको कोराना बीमालेख जारी गरेको जनाएको छ ।