पोर्चुगल । पोर्चुगलको राजधानी लिस्बनको कास्काइसको समुद्रमा माछा मार्न गएका दुई नेपालीको ज्यान गएको छ । माछा मार्न समुन्द्रमा गएका २ नेपालीलाई छालले बगाएर मृत्यु भएको हो । ज्यान गुमाउनेमा धादिङ थानेबास गाउँपालिका घर भइ हाल बाराको सिमरामा बसोबास गर्दै आएका ४४ वर्षीय कमल वाइबा र उनका भाइ ४० वर्षीय सुरज वाइवा रहेको बताइएको छ ।
उनीहरु समुद्रको छाल हेर्न पर्यटकको भीड लाग्ने कास्काइसको ‘बोका दि इन्फेर्नो’मा माछा मार्नेक्रममा समुन्द्रको छालमा परेका थिए । कमलका चार तथा सुरजका तीन छोराछोरी छन्। डेनमार्कमा केही समय बसेर उनीहरु ९ महिनाअघि पोर्चुगलमा रहेको एभरेष्ट रेस्टुरेन्टमा काम गर्दै आएका थिए ।
दुबै निषेधित क्षेत्रमा गएर माछा मार्ने क्रममा दाजुलाई पहिला बगाउँदा भाइले बचाउन खोजेको र दुवैको ज्यान गएको बताएको न् । पोर्चुगलको सामुद्रिक पुलिसले उनीहरुको खोजी गरेको थियो।