काठमाडौं । पार्टी अध्यक्ष तथा प्रधानमन्त्री केपी शर्मा ओलीलाई सत्ताबाट हटाउन सामूहिक राजीनामाको तयारीमा रहेर अन्तिम समयमा रोकिएको वरिष्ठ नेता माधव नेपाल पक्षका आठ जना भने मतदानमा सहभागी भएका छन् । संसदमा सम्पन्न प्रधानमन्त्री केपी शर्मा ओलीको विश्वासको मतसम्वन्धी प्रस्तावको मतदानमा एमालेको माधव नेपाल समूहका आठ जना सांसदले उपस्थित भएर पक्षमा मतदान गरेका छन् । तीन जना प्रत्यक्ष निर्वाचित र पाँच जना समानुपातिक सांसदहरुले प्रधानमन्त्रीको पक्षमा मतदान गरेका हुन् । त्यसरी मतदान गर्नेमा राजबहादुर बुढा,ध्रुव शाही,गंगा चौधरी,समिना हुसेन,पार्वती विसुंखे,हिराचन्द्र केसी र बिना बुढाथोकी मगर छन् । ध्रुव शाहीसहित तीमध्ये बुढा दैलेखका,केसी दाङका प्रत्यक्ष निर्वाचित सांसद हुन् । श्रोतका अनुसार समानुपातिकलाई मतदानमा जान बन्देज थिएन ।