काठमाडौं । साँच्चै राज्य सक्रिय हुने हो भने उपभोक्ता ठगिनु पर्ने थिएन । तर मौसमी अनुगमनले एक दुई जना कारबाहीमा पर्छन् बाँकी समय उपभोक्ता ठगिनेक्रम जारी नै रहन्छ । मासको दाल बढी मूल्यमा बेचेको पाइएपछि वाणिज्य, आपूर्ति तथा उपभोक्ता संरक्षण विभागले हात्तिगौँडामा रहेको बिगमार्टलाई रु. तीन लाख जरिवाना गरेको छ । बिगमार्टले मासको दाल प्रतिकिलो रु २७१ मा बिक्री गरेको पाइएपछि उपभोक्ता संरक्षण ऐन, २०७५ अनुसार अनुचित व्यापारिक क्रियाकलाप गरेको भन्दै विभागले उक्त रकम जरिवाना गरेको हो ।