बुटवल । कोरोनाको आतंकका कारण मठ, मन्दिर तथा सबै धार्मिक स्थलहरु बन्द गरिएका छन् । यही बेला कपिलवस्तुमा मस्जिदमा नमाज पढदै गरेका १४ जनालाई प्रहरीले पक्राउ गरेको छ । जिल्लाको मायादेवी गाउँपालिका–७ धुपहीस्थित मस्जिदमा नमाज पढदै गरेका १४ जनालाई दिउँसो १ बजे पक्राउ गरेको जिल्ला प्रहरी कार्यालय कपिलबस्तुले जनाएको छ । बारम्बारर आग्रह गर्दा पनि अटेर गरेपछि पक्राउ पक्राउ गर्नुपरेको जिल्ला प्रहरी कार्यालय कपिलवस्तु जानकारी दिएको छ । उनीहरु सबै कपिलवस्तुकै भएको र वडा प्रहरी कार्यालय तौलिहवामा राखिएको बताइएको छ । यस्ता घटना बारम्बार दोहोरिएपछि प्रहरीले विभिन्न ठाउँका मस्जिदहरुमा निगरानी बढाएको छ ।