काठमाडौं । आरबीबी मोबाइल बैङ्किङ महामेलाको मेगा विनर भक्तपुरका कैलाश सुवाल बनेका छन् । राष्ट्रिय वाणिज्य बैंकले दशैं, तिहार तथा छठ जस्ता ठूला चाडवाडलाई मध्यनजर गरी देशैभरी मोवाइल बैंकिङ्ग स्टलहरु सञ्चालन गरेकोमा लक्की ड्रमा सुवाल छानिएका हुन् । सुवालले जोडीसहित ५ दिने थाईल्याण्ड भ्रमणको प्याकेज उपहार पाएका छन् ।

भाद्र १८ देखि असोज ३० सम्म सञ्चालित यस मोबाइल बैंकिङ्ग महामेलामा अन्य ५ जना पनि पुरस्कृत भए। यसरी पुरस्कृत हुनेमा सनम राई भद्रपुर, धु्रबकुमार शाही दीपायल, प्रकाश बोहरा ठमेल, हिरा खनाल बानेश्वर र सुजन पराजुली सन्धिखर्क रहेका छन् । उनीहरुलाई स्मार्ट मोबाइल फोन उपहार दिइएको छ ।

मोबाइल बैंकिङ्ग विग मेला कार्यक्रम जस्तै युवा लक्षित अन्य कार्यक्रमहरु समेत अबका दिनहरुमा अझ सशक्त रुपमा अघि बढाइने बैंकले जनाएको छ ।