प्रायः जीवन बीमा कम्पनीहरूले बालबच्चाको दुर्घटना बीमा नगरीरहेको आवश्यकता पूरा गर्नलाई आईएमई जनरल इन्स्योरेन्सले बालबच्चाको दुर्घटना तथा औषधोपचार बीमालेख बजारमा ल्याएको छ । तर यस बीमालेख खरिदलाई विद्यार्थी नै हुनु पर्दछ र यस बीमालेख आमा बाबु वा प्रस्तावक/अभिभावको पनि जोखिम बहन गर्दछ । विद्यार्थी १ कक्षादेखि १२ कक्षासम्म पढ्नेलाई यो बीमालेख लक्षित गरिएको छ ।
यस बीमाले कम्तिमा रु २००० (दई हजार) रुपैयाँ देखि ५००००० (पाँच लाख रुपैयासम्म) को जोखिम बहन गर्दछ । यस बीमालेखको शुल्क प्रति विद्यार्थी प्रति वर्ष रु ८६० (आठ सय साठी) निर्धारण गरिएको छ भने विद्यार्थीको मृत्यु भएमा एक लाख र आमा बाबुको मृत्यु भएमा पाँच लाखसम्म क्षतिपूर्ति नजिकको हकदारलाई उपलब्ध गराउँछ भने विद्यार्थीको दुर्घटनाबाट स्थायी असक्तता भएमा दुई महिनासम्मको विद्यालयको/कलेजको शैक्षिक शुल्क बढीमा दश हजार प्रति महिनाको दरले भुक्तानी गर्दछ ।
दुर्घटनाको कारणले बीमितको औषधोपचार गर्न परेमा ५० हजारसम्मको खर्च व्यहोर्दछ भने अस्पतालको सेवाशुल्क प्रतिदिन दुई हजारसम्मको भरथेग गर्दछ । यस बीमालेखले विद्यार्थीको २४ सै घण्टाको जोखिम बहन गर्दछ न कि स्कुल र कलेजसमयको मात्र ।
यस बीमाका विशेष आकर्षणहरू
– २४ सै घण्टा जोखिम बहन हुने ।
– विद्यार्थी र आमा बाबुबो जोखिम बहन हुने ।
– न्यूनतम शुल्कले बढी बीमाङ्कको जोखिम बहन हुने ।
–स्थायी पूर्ण अशक्तता र अर्ध अशक्तता हुँदा पनि क्षतिपूर्ति पाइने ।
– दुर्घटनाको कारणले उपचार गर्न परेमा २५ हजारदेखि २० हजारसम्मको खर्च व्यहोर्ने ।
पूर्ण/स्थायी असक्तता भनेको के हो ?
– दुवै आँखाको दृष्टि सधैंको लागि दुर्घटनाको कारणले गुमेमा ।
– दुर्घटनाको कारणले दुवैहातको नाडी गुमेमा, दुवै खुट्टाको गोलीगाँगोभन्दा तल काम नलाग्ने भएमा ।
– दुर्घटनाको कारणले ठूलो चोट लागी कुनै क्रियाकलाप गर्न नसक्ने भएमा ।
– एउटा हातको नाडी र एउटा खुट्टाको गोली गाँठोभन्दा तलको भाग काम नलाग्ने भएमा वा नाडी, खुट्टाको गोलीगाँठो, आँखाको ज्योति गरेर कम्तिमा दुई वटा अंग काम नलाग्ने भएमा सुन्ने र बोल्ने क्षमता नभएमा यस बीमालेखमा स्थायी पूर्ण असक्तता मानिन्छ ।
स्थायी पूर्ण असक्ततामा पाइने क्षतिपूर्ति
बीमित विद्यार्थीको दुर्घटनाबाट मृत्यु भएमा एक लाख र पूर्ण स्थायी असक्तता भएमा तीन लाखसम्म क्षतिपूर्ति दिइन्छ भने आमा बाबुको दुर्घटनाबाट मृत्यु भएमा रु ५ लाख रुपैयाँ र पूर्ण अशक्तता भएमा पनि त्यत्तिनै रकम बीमकले उपलब्ध गराउँदछ ।
अर्ध स्थायी असक्तता भनेको के हो ?
एउटा हातको नाडी गुमेमा, एउटा खुट्टाको गोलीगाँठो भन्दा तलको भाग गुमेमा वा शरीरको अन्य क्षेत्रमा यसको असर देखिएमा, एएटा आँखाको दृष्टि पूर्ण रुपमा गुमेमा भन्ने बुझिन्छ भने बाबु आमाको सुन्ने र बोल्ने शक्ति नष्ट हुनुलाई पनि बुझाउँछ ।
यसअन्तर्गत पाइने क्षतिपूर्ति
यसअन्तर्गत दुर्घटनाबाट मृत्यु भएमा पूरा बीमाङ्क रकम उपलब्ध हुन्छ भने अन्यमा बीमाङ्कको ५० प्रतिशत रकम उपलब्ध गराइन्छ ।
यसमा समावेश भएका प्राविधिक शब्दार्थ
बीमालेख : बीमा गरिएको प्रमाणपत्र ।
बीमक : बीमागर्ने बीमा कम्पनी ।
जोखिम : भविष्यमा हुन सक्ने क्षति, खतरा, दुर्घटना बहन, ग्रहण गर्नु, स्वीकार गर्नू ।
बीमाशुल्क : बीमा वा जोखिम बापत बीमकले दिने शुल्क ।
जनरल इन्स्योरेन्स : जीवन बीमा बाहेकको बीमा व्यवशाय गर्ने बीमा कम्पनी जसले स्वास्थ्य, ट्राभल, दुर्घटना, घर, सम्पत्ति, उद्योग, कलकारखाना, मार्गस्थ, मेरीन लगायतका जोखिम बहन गरी बीमा सुविधा उपलब्ध गराउँछन् ।
