काठमाडौं । युनाइटेड इन्स्योरेन्सले लिलामीमा राखेको चार लाख ९९ हजार १९२ कित्ता अवितरित हकप्रद शेयरको शिलबन्दी बोलपत्रको प्रकृया मंगलबारदेखि पेश हुन सुरु भएको छ ।
सो निर्जीबन बिमा कम्पनीले बिमा समितिको निर्देशन अनुसार चुक्ता पुँजी बृध्दि गर्ने क्रममा गत भदौ ३ देखि असोज २३ सम्म १ः२.४ को अनुपातमा बिक्रीमा ल्याएको ७२ लाख ५७ हजार कित्ता हकप्रद शेयरमा एक लाख ५७ हजार ६४९ कित्ता संस्थापक र तीन लाख ४१ हजार ५४३ कित्ता साधारण शेयर विक्री नभए पश्चात् उक्त सेयरको लिलामी प्रकृया सुरु भएको हो ।
युनाइटेड इन्स्योरेन्सको लिलामीमा आएको शेयरमा लगानीकर्ताले आगामी मङ्सिर १७ गतेसम्म बोलपत्र आवेदनमा सहभागी हुन सक्ने बताइएको छ । उक्त सेयरको बोलपत्रमा सहभागी हुन लगानीकर्ताले एनएमबि क्यापिटल, तथा एनएमबि बैंकको तोकिएका १३ शाखा कार्यालय मार्फत सहभागी हुन पाउनेछन् ।
साधारण सेयर बाहेको संस्थापक तर्फको लिलामी शेयरमा कम्पनीका विद्यमान संस्थापकहरुले मात्र आवेदन गर्न पाउने व्यवस्था छ । लिलामी प्रकृयाम एक सय रुपियाँ प्रतिकित्ताबाट सुरु हुने र खरिद गर्न चाहनेले एक सय कित्तादेखि लगानी गर्न सक्ने युनाइटेड इन्स्योरेन्सको सेयरको दोस्रो बजारमा २३० को हाराहारीमा कारोबार भइ रहेको छ । युनाइटेड इन्स्योरेन्सको हकप्रद शेयर बिक्री पश्चात चुक्ता पुँजी एक अर्ब २ करोड ८१ लाख रुपियाँ पुग्ने भएको छ ।
