काठमाडौँ । राष्ट्रिय बीमा सस्थानले चालु आर्थिक बर्षको पहिलो त्रैमासमा बीमाङ्कीय मूल्याङ्कन अघिको खुद नाफा एक करोड ७४ लाख ८० हजार कमाएको प्रतिवेदन सार्वजनिक गरेको छ । सस्थानको खुद नाफा अधिल्लो बर्षको सोही अवधिको तुलनाममा एक करोड ३० लाख ६४ हजार रुपियाँले बढी हो । राष्ट्रिय बीमा संस्थानको जीवन बीमा कोषमा २४ अर्ब ३९ करोड २३ लाख रुपियाँ रहेको छ जृुन अधिल्लो बर्षको सोही अवधिको तुलनामा आठ अर्ब १७ करोड ८४ लाख बढी हो ।
सरकारी स्वामित्वको बीमा कम्पनी भए तापनि पुरानो र विश्वसनीय भएको कारण राष्ट्रिय बीमा सस्थाननको प्रगति सन्तोषजनक रुपमा नै अघि बढेको तथ्याङ्कहरुले देखाएको छ । राष्ट्रिय बीमा सस्थाननको चुक्ता पुँजी १८ करोड १० लाख रहेको छ भने सस्थानको जगेडा कोषमा १८ करोड ७२ लाख रुपियाँ सञ्चित रहेको जनाइएको छ ।
चलु आर्थिक बर्षको पहिलो त्रैमासमा सस्थानले चार अर्ब नौ करोड ९० लाख खुद बीमा शुल्क आर्जन गरेर गरेको छ जुन अधिल्लो बर्षको सोही अवधिको तुलनामा यो गत आर्थिक वर्षको यहि अवधिको तुलनामा उल्लेख्य रुपमा बृध्दि भएको छ जसमा तीन अर्ब ३० करोड ४२ लाख रुपियाँको बृध्दि भएको पाइएको छ । राष्ट्रिय बीमा सस्थानको बीमा शुल्क आर्जनमा यस्तो ठूलो प्रगति देखिनुमा भने नागरिक लगानी कोषले प्रदान गर्दै आएको राष्ट्रसेवक कर्मचारीको बीमा सेवा यस आर्थिक वर्षदेखि राष्ट्रिय बीमा संस्थानलाई हस्तान्तरण गरेकोले हो ।
राष्ट्रिय बीमा सस्थानमा राष्ट्र सेवक कर्मचारीहरुबाट तीन अर्ब आठ करोड रुपियाँ बीमा शुल्क संकलन भएको छ । राष्ट्रिय बीमा सस्थानमा हाल ६ लाख ८६ हजार २२६ बीमा कायम रहेको देखाइएको छ ।
