काठमाडौं । सुनको भाउ लगातार दोश्रो दिन गिरावट भएको छ । फागुन ३ गते, सुन तोलामा २०० रुपैयाँले सस्तिएको छ । चाँदीको भाउ पनि यस दिन तोलामा पाँच रुपैयाँले घटेको छ । नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख तीन हजार ६०० रुपैयाँमा र तेजाबी सुन प्रतितोला एक लाख तीन हजार १०० रुपैयाँमा झरेको छ । मंगलबार पनि सुन तोलामा २०० रुपैयाँले ओरालो लाग्दा प्रतितोला एक लाख तीन हजार ८०० रुपैयाँमा कारोबार भएको थियो । बुधबार चाँदीको मूल्य पनि घटेको छ । आज चाँदी तोलामा पाँच रुपैयाँले गिरावट हुँदा प्रतितोला एक हजार २९० रुपैयाँमा खरिदबिक्री भएको थियो । अघिल्लो कारोबार दिन भने चाँदीको मूल्य स्थिर रही प्रतितोला एक हजार २९५ रुपैयाँ कायम रहेको थियो ।