काठमाडौं । सबै स्थामा बैंकिङ क्षेत्रको उपस्थिति होस् भनेर बैंकहरु लागि परेका छन् । यसै क्रममा ललितपुर जिल्ला अदालत परिसरमा एनआईसी एशिया बैंकको एक्स्टेन्सन काउण्टर र एटीएम संचालनमा आउने भएको छ । एनआईसी एशिया बैंक र ललितपुर जिल्ला अदालत लगनखेलबीच ललितपुर जिल्ला अदालत परिसरमा एक्स्टेन्सन काउण्टर र एटीएम मेसिन संचालनका लागि स्थान उपलब्ध गराउने सम्झौता भएको छ।
बैंकका तर्फबाट नायब प्रमुख कार्यकारी अधिकृत सुधिरनाथ पाण्डे र ललितपुर जिल्ला अदालत लगनखेलको तर्फबाट अदालतका श्रेस्तेदार नगेन्द्र कुमार कालाखेतीले सम्झौतामा हस्ताक्षर गरेका छन् ।