एजेन्सी । अपराधका तरिका पनि अपराधीपिच्छे फरक र नयाँ नयाँ देखिन थालेको छ । आफ्नो लिंगमा लागूऔषध कोकिन छर्किएर प्रेमिकाको हत्या गरेका एक जना शल्यचिकित्सकलाई प्रेमिकाका पति र छोरालाई क्षतिपूर्ति तिर्न आदेश दिइएको छ । उनले आफ्नो लिंगका कोकिन छर्किएका कारण उनकी प्रेमिका कोकिनको ओभरडोज भएर मरेकी थिइन् ।
यो अपराधको लागि ४५ वर्षका डा. आन्द्रेस डेभिड निदरबिचलरलाई ९ वर्षको जेल सजाय सुनाइसकिएको छ ।मेट्रोको रिपोर्टअनुसार उनकी प्रेमिका ३८ वर्षकी वोन्ने एम कोकिनको ओभरडोजका कारण मरेकी थिइन् । वोन्ने डा निदरबिचलरकी पूर्व बिरामी थिइन् र उनको डाक्टरसँग प्रेम सम्बनध पनि थियो । घटनाका दिन उनी डाक्टरसँग मुखमैथुन गर्दै थिइन् यही क्रममा उनी डाक्टरको जर्मनीको हल्बर्सटाड स्थित घरमा ढलेकी थिइन् । उनको पछि अस्पतालमा मृत्यु भयो ।
ती डाक्टरले कोकिनको यस्तो किसिमको प्रयोग यो घटनापूर्व पनि गरेको पछि खुलासा भएको थियो । उनले २०१५ को सेप्टेम्बरदेखि २०१८ को फेब्रुअरीको बिचमा अन्य तीन महिलालाई पनि लागूऔषध दिएर यौन शोषण गरेका थिए । डा निदरबिच्लरलाई जेल सजाय सुनाइएपछि वोन्नेको परिवारले अदालतमा अर्को मुद्दा हालेका थिए ।
म्याग्देबर्गले अहिले डाक्टरलाई दोषी ठहर गरेको छ र वोन्नेको परिवारलाई आर्थिक हर्जाना तिर्न आदेश दिएको छ । न्यायाधीश स्टेफी एवाल्डले डा निदरबिच्लरलाई बोन्नेको अन्तिम संस्कारवापत ७ हजार ३३७ पाउण्ड (करिब १२ लाख रुपैयाँ) तथा बोन्नेका पति र छोरालाई जीवनयापन खर्चवापत जनही ८ हजार ५ सय ८१ पाउण्ड (करिब १४ लाख रुपैयाँ) गरी कूल ३९ लाख रुपैयाँ हर्जाना तिर्न आदेश दिएका हुन् ।
