काठमाडौं। वरिष्ठ हाडजोर्नी विशेषज्ञ डा. राजेश आचार्यको जेठ २९ गते माल्दिभ्समा निधन भएको छ। विगत २ वर्षयता मालिदिभ्सको जिएएन रिजनल हस्पिटलमा सेवारत ४६ वर्षीय आचार्य विगत ९ महिनायता घाँटीको क्यान्सरबाट पीडित थिए।
रुसको सेन्ट पिट्सवर्ग यूनिभर्सिटिबाट एमविविएस र चीनको चङचाउ यूनिभर्सिटिबाट एमडि उपाधी हासिल गरेका डा आचार्यले यस अघि वीर अस्पताल, जनमैत्री अस्पताल वालाजु, शंखरापुर अस्पताल जोरपाटी मोफसलका नेपालगन्ज मेडिकल कलेज, डोटी अस्पताल , लगायतका स्थानहरुमा सेवा गरेका थिए। धर्मपत्नी वरिष्ठ स्त्रीरोग विशेषज्ञ सविना आचार्यसँगको सहकार्यमा विभिन्न दुर्गम स्थानमा आङ खस्ने महिलाको निःशुल्क औषधोपचारमा संलग्न रहेका स्वर्गीय आचार्यका श्रीमती र दुई छोरीहरु रहेका छन् ।