टोकियो । बागलुङ बुर्तिबाङ घर भई हाल टोकियो बस्दै आउनुभएकी लालकुमारी चालिसे कुँवरको उपचारका क्रममा चोफु अस्पतालमा निधन भएको छ ।
बागलुङ जिल्लाको ताराखोला गाउँपालिका–३ हिल माइत र बुर्तिबाङ घर भएकी ४२ वर्षिय कुँवरको मुटुको शल्यक्रिया गर्ने क्रममा हिजो बिहीबार चोफुस्थित साकाइबारा हर्ट इन्स्टिच्यूट हस्पिटलमा निधन भएको बताइएको छ । मुटुको समस्याबाट पीडित कुँवरको करीव २० वर्ष अगाडि मुटुको भल्भ फेरिएको थियो । हालै पुनः समस्या बल्झेपछि गत फेब्रुअरी ४ देखि उहाँ उक्त अस्पतालमा भर्ना हुनुभएको थियो । मुटुको शल्यक्रिया गर्ने क्रममा शल्यक्रिया सफल नभएको हो । करीव ४ वर्ष अगाडि जापान आउनुभएकी स्वर्गिय कुँवरको श्रीमान पनि जापानमै हुनुहुन्छ।