भक्तपुर । नबिल बैंक र भक्तपुर उद्योग वाणिज्य संघको संयुक्त प्रयासमा भक्तपुर जील्लाको उद्योग तथा व्यवसाय प्रवर्धनका लागि विशेष अन्तरकृया भएको छ । वाणिज्य संघको कार्यालयमा भएको अन्तरकृया कार्यक्रममा नबिल बैंकका प्रमुख कार्यकारी अधिकृत अनिल केशरी शाह र भक्तपुर उद्योग वाणिज्य संघका अध्यक्ष प्रदिप श्रेष्ठ बीच बैंक र संघका सदस्यहरुलाई, व्यवसाय प्रवर्धन तथा बैकिङ्ग सेवा सुलभ तवरवाट उपलब्ध गराउने सम्बन्धी सम्झौता समेत भएको छ ।
सो कार्यक्रममा संघका पदाधिकारी तथा व्यवसायी सदस्यहरुबाट राखेका बैंक सेवा सुविधा सम्बन्धि जिज्ञासा उपर बैंकका प्रमुख कार्यकारी अधिकृत शाहले जवाफ समेत दिएका थिए । यस सम्झौतासँगै नबिल बैंकले भक्तपुर उद्योग वाणिज्य संघका सदस्यका साथ साथै देशभरका व्यवसाय र उद्योग क्षेत्रको प्रवर्धन र संरक्षणको लागि बैंकले सदा सहयोग गर्ने शाहले जानकारी गराए । सो कार्यक्रममा बैंकका प्रमुख कार्यकारी अधिकृत अनिल केशरी शाहले भने, ‘नबिल बैंकले भक्तपुर तथा देशभर रहेका व्यवसाय र उद्योग क्षेत्रलाई संरक्षण र उन्नतीको लागि नबिल बैंक तत्पर रहनेछ ।
भक्तपुर उद्योग वाणिज्य संघका अध्यक्ष प्रदिप श्रेष्ठले बैंकसँग सम्झौता गरी भक्तपुरका व्यवसाय र उद्योग क्षेत्रको प्रवर्धन गर्न बैंकको साथ पाउदा निकै खुशी लागेको बताए । उनले निजी क्षेत्रको तर्फबाट यस्तो सहकार्य गर्न आरम्भ भएकोमा बैंकलाई धन्यबाद दिए ।
