काठमाडौं । शाइन रेसुंगा डेभलपमेन्ट बैंकको एकीकृत कारोवार शुरु भएको छ । बुटवलमा केन्द्रीय कार्यालय रहेको शाइन रेसुङ्गा डेभलपमेन्ट बैंक, भैरहवामा केन्द्रीय कार्यालय रहेको पूर्णिमा विकास बैंक र बाँकेको नेपालगञ्जमा केन्द्रीय कार्यालय रहेको भार्गव विकास बैंक गाभिएर बनेको शाइन रेसुंगा डेभलपमेन्ट बैंक बनेको हो ।
दश जिल्ला कार्यक्षेत्र रहेको शाइन रेसुङ्गा डेभलपमेण्ट बैंकमा तीन जिल्ला कार्यक्षेत्र रहेको पूर्णिमा र पाँच जिल्ला कार्यक्षेत्र रहेको भार्गव गाभिएर एकीकृत कारोबार शुरु गरेको हो । शाइन रेसुंगामा पूर्णिमा र भार्गवको एक्विजिसन पश्चात शाइन रेसुंगा प्रदेश ५ मा सबैभन्दा धेरै पुुँजी र शाखा भएको विकास बैंक बनेको छ । बैंकको चुक्ता पूँजी २ अर्ब ६२ करोड, निक्षेप २६ अर्ब ८७ करोड र कर्जा लगानी २३ अर्ब ८१ करोड रुपैयाँ पुगेको छ । बैंकका शाखा संख्या ७१ र ग्राहक संख्या ३ लाख ७७ हजार पुगेको दाबी बैंकले गरेको छ ।
राष्ट्रियस्तरमा कार्यक्षेत्र विस्तार गर्ने र हाल कायम रहेको चुक्ता पुँजीको ४ = १ (चार शेयर बराबर १ शेयर) को अनुपातमा हकप्रद शेयर निष्काशन गरी पूँजी वृद्धि गर्ने योजना बैंकले बनाएको छ ।
