काठमाडौं । कोरोना संक्रमण भयाबह बन्दै जाँदा सरकारले कोभिड संक्रमितलाई १४ दिन भन्दा बढी अस्पतालमा नराख्न निर्देशन दिएको छ । संक्रमण भएर भर्ना भएको १० औँ दिनमा पीसीआर परिक्षण गर्दा रिपोर्ट पोजेटिभ नै आए पनि त्यस्ता बिरामीलाई १४ दिनपछि घर पठाईने स्वास्थ्य तथा जनसंख्या मन्त्रालयले जनाएको छ ।

लक्षण नभएका त्यस्ता विरामीलाई पुनः परीक्षण नगरी १४ औं दिनमा घर फर्काउन स्वास्थ्य मन्त्रालय अन्तर्गतको स्वस्थ्य आपतकालिन कार्य सञ्चालन केन्द्रले कोभिड अस्पताललाई निर्देशन दिएको हो । सो जानकारी कोभिडबारेको नियमित प्रेस ब्रिफिङमा स्वास्थ्य मन्त्रालयका प्रवक्ता जागेश्वर गौतमले दिएका हुन् । ती बिरामीलाई घर फिर्ता नगरे उनीहरुको भरण पोषणको जिम्मा सरकारले नबेहोर्ने प्रवक्ता गौतमले बताए ।