काठमाडौँ । सेयर धनीका लागि हिमालयन डिष्टिलरी लिमिटेड चुक्ता पूँजीको ५० प्रतिशत बोनस शेयर, बोनस शेयरको कर प्रयोजनसहित ५२.६३ प्रतिशत नगद लाभांश वितरण गर्न त्यसको अनुमोदनका लागि पुस १ गते १९ औँ साधारण सभाको पर्सामा गर्ने भएको छ ।
सो कम्पनीको साधारणमा चुक्ता पूँजी वृद्धि गरी प्रबन्ध पत्र तथा नियमावलीमा संशोधन गर्ने लगायतको प्रस्तावमा पनि छलफल गर्ने भएको छ । चुक्ता पुँजी ३८ करोड ५६ लाख रहेको हिमालयन डिष्टीलरीको ५० प्रतिशत बोनस सेयर वितरण पश्चात् चुक्ता पुँजी ५७ करोड ८४ लाख रुपियाँ पुग्ने छ । साधारण सभा प्रयोजनका लागि कम्पनीले मंङसिर १३ गतेसम्म कायम सेयरधनीलाई लाभांसमा सहभागी गराउने भएको छ भने कम्पनीले बुक क्लोज मङ्सिर १५ गते गर्ने जनाएको छ ।
