काठमाडौं । सन नेपाल लाइफ कम्पनीले चालू आर्थिक वर्षको दोस्रो त्रैमाससम्म आइपुग्दा २८ करोड २२ लाख रुपियाँ खुद नाफा आर्जन गरेको छ । यो गत आवको सोही अवधिको तुलनामा १४.०६ प्रतिशतले घटेको हो । गत आवमा कम्पनीले ३२ करोड ८४ लाख रुपियाँ नाफा आर्जन गरेको थियो । समीक्षा अवधिमा कम्पनीले २ अर्ब १८ करोड ६२ लाख रुपियाँ खुद बीमाशुल्क आर्जन गरेको छ । गत आवमा कम्पनीले १ अर्ब ५८ करोड ६४ लाख रुपियाँ खुद बीमाशुल्क आर्जन गरेको थियो । गत आवको सोही अवधिको तुलनामा ३७.८१ प्रतिशतले बढेको हो । दोस्रो त्रैमाससम्म कम्पनीको जीवन बीमा कोषमा ८ अर्ब ९६ करोड ९४ लाख रुपियाँ रहेको छ । त्यस्तै, कम्पनीको महाविपत्ति कोषमा १८ करोड ९१ लाख रुपियाँ, रिटेन्ड अर्निङमा ७७ करोड १७ लाख रुपैयाँ र अन्य इक्विटीमा ३९ करोड ६ लाख रुपियाँ रहेको छ । ३ अर्ब ९६ करोड चुक्ता पुँजी रहेको रहेको कम्पनीको वार्षिकीकृत प्रतिशेयर आम्दानी (ईपीएस) १०.२६ बाट बढेर १४.२५ रुपियाँ कायम भएको छ । त्यस्तै, मूल्य आम्दानी अनुपात ४२.९५ गुणा र प्रतिशेयर नेटवर्थ १६६.१२ रुपियाँ रहेको छ ।