काठमाडौं । विज्ञ समूहले दक्ष जनशक्तिका साथमा सञ्चालित र बीमा बजारमा आफ्नो छुट्टै छाप छाड्न सफल सानिमालाईफ इन्स्योरेन्स कम्पनी आजबाट चौथो वर्षमा प्रवेश गरेको छ ।
तीन वर्षको यात्रा तय गरिसक्दा कम्पनीका सबै तथ्याङ्क तथा सूचांकहरुले कम्पनी सफलताको बाटोमा अघि बढेको देखाएको छ । कूल १ अर्ब ४० करोड रुपैयाँ चुक्ता पुँजी रहेको कम्पनीले छोटो अवधीमा नै चुक्ता पुँजि सरह जीवन बीमा कोष बनाउन सफल भइसकेको छ ।
निरन्तर नविन योजना, ग्राहकको आर्थिक सुरक्षा, दीर्घकालिन सम्पन्नता तथा विश्वसनीय सेवा मार्फत नेपालको नेतृत्वदायी भुमिका निर्वाह गरी मुलुकको समग्र विकासमा योगदान गर्ने परिकल्पना सहित कम्पनी अघि बढिरहेको कम्पनीले जनाएको छ ।
सानिमा लाइफ इन्स्योरेन्सले चालु आर्थिक वर्षको पहिलो त्रैमासको अवधिमा कम्पनीको खुद बीमा शुल्कआर्जन १५५ प्रतिशतले बढाएर ३४ करोड ८५ लाख रुपैयाँ पुर्याएको छ भने पहिलो त्रैमासमा खुदनाफा ७७ प्रतिशतले बढाएर ३ करोड ५१ लाख रुपैयाँ पुर्याएको छ ।
कोभिड महामारीका बीचमा पनि कम्पनीले सबै सूचाकंमा उल्लेख्य प्रगति गरेको छ । कम्पनीले जारी पुँजिको ३० प्रतिशत अर्थात ६० करोडको आईपिओ बजारमा आउँदैछ । कम्पनीले देशैभरि फैलिएका ९६ वटा शाखाहरु मार्फत बीमितहरुलाई बीमा सेवा प्रदान गर्दै आइरहेको छ । कम्पनीमा हाल १२ हजार भन्दा बढी बीमाअभिकर्ताहरु आवद्ध छन् ।
१२ हजारभन्दा बढी बीमाअभिकर्ताहले विभिन्न क्षेत्रहरुमा जीवन बीमा सुविधा लिँदै आईरहेको कम्पनीले जनाएको छ ।
