काठमाडौं । मुलुकभर शाखा सञ्जाल भएको पूर्ण सरकारी स्वामित्वको राष्ट्रिय वाणिज्य बैंकले चालु आर्थिक वर्षको प्रथम त्रैमास रिपोर्टमा वाणिज्य बैंकहरुको नाफलाई उछिनेको छ ।
बैंकले चालु आर्थिक वर्षको असोज मसान्तसम्ममा एक अर्ब १२ करोड ७५ लाख ३७ हजार खुद मुनाफा आर्जन गरेको छ। गत आर्थिक वर्षको सोही अवधिमा बैंकले बैंकले १ अर्ब ११ करोड ९० लाख ७४ हजार खुद नाफा कमाएको थियो।
बैंकहरुमध्ये नबिल बैंक नाफा कमाउने दोस्रो ठूलो बैंक बनेको छ । बैकले एक अर्ब १२ करोड ३५ लाख मुनाफा आर्जन गरेको छ भने एनआईसी एशिायाले पनि एक अर्ब बढी नाफा कमाएको छ।
चालु आवको तीन महिना अवधिमा राष्ट्रिय वाणिज्य बैंकले १ खर्ब ८७ अर्ब ३६ करोड निक्षेप संकलन गरेर १ खर्ब ४३ अर्ब ३३ करोड कर्जा प्रवाह रहेको छ । बैंकको निक्षेप १.४ प्रतिशत र कर्जा लगानी ०.७८ प्रतिशतले घटेको हो।