काठमाडौं । अकस्मात मध्यराति संसद विघटन गरी कोरोना कहरकाबीचमा मुलुकलाई चुनावमा होमिएको विषयमा सभामुख अग्नि सापकोटाले सघन परामर्श थालेको उनको सचिवालयले जनाएको छ । सभामुख सापकोटाले राजनीतिक दलका शीर्ष नेता र संविधानविदहरुसँग परामर्श थालेको बताइएको छ । सम्भवतः आजै उहाँले आफ्नो धारणा सार्वजनिक गर्नुहुने बताइएकोछ । यसअघि गत पुस ५ गते पनि संसद विघटन गर्दा सभामुख सापकोटाले विरोध जनाएका थिए । प्रधानमन्त्री केपी शर्मा ओली र माओवादी केन्द्रको नेता हुँदै सभामुख बनेका सापकोटाबीच तिक्ततापूर्ण सम्बन्ध छ ।