काठमाडौं । जीवन, निर्जिवन र पुनर्बिमा त्यसको महत्व, आवश्यकता, उत्पत्ति र विकासक्रम, बजार व्यवस्थापन, बीमा अधिकर्ताको व्यवसायिक दक्षता वृद्धि र ग्राहकहरुको सुविधा दिने प्रयोजनका लागि बीमासम्बन्धी सम्पूर्ण जानकारीमूलक पुस्तक ‘बीमा : सिद्धान्त र व्यवहार’ नामक पुस्तक बजारमा आएको छ ।

बीमासम्बन्धी लामो समयसम्म अध्ययन र लेखन कार्यमा सक्रिय रहनुभएका नुरराज कँडेल (नवराज) द्वारा लिखित उक्त पुस्तकलाई ब्रदर बुक्स प्रकाशन प्रालिले बजारमा ल्याएको हो । २३२ पृष्ठ भएको यस पुस्तकमा बीमासँग जोडिएका सबै पक्षलाई समेटिएको छ ।

बीमा व्यवसाय गर्ने बीमा कम्पनीहरुदेखि लिएर बीमा अभिकर्ता, ग्राहक तथा बीमासम्बन्धी खोज, अनुसन्धान, अध्ययन गर्न चाहने जो कोहीका लागि उक्त पुस्तक महत्वपूर्ण र सहयोगी सामग्री बन्ने विश्वास प्रकाशन गृहले लिएको छ । पुस्तकको मूल्य ३५० रहेको छ । पुस्तक देशभरका पुस्तक सबै पसलहरुमा उपलब्ध हुने बताइएको छ । दर्जनौं पुस्तकका लेखक कँडेल अर्थबीमा डटकम arthabeema.com का सम्पादक हुनुहुन्छ ।